Сёння мы хацелі б падзяліцца ўражаннямі ад цудоўнага мерапрыемства, якое адбылося ў нашай бібліятэцы да Дня роднай мовы. Гэта свята сабрала аматараў беларускай культуры, мовы і літаратуры.
Да нас завіталі вядомыя пісьменнікі: Карпуць Яўген Вікенцьевіч, Жаўнерчык Алена Міхайлаўна і Алесь Клім.
Яны падзяліліся сваімі думкамі пра важнасць роднай мовы ў сучасным свеце. Іх творы натхняюць і заахвочваюць нас шанаваць і захоўваць нашу мову. Мы з задавальненнем слухалі іх гісторыі і разважанні, якія нагадалі нам аб багацці беларускай літаратуры.
Таксама на мерапрыемстве выступіў вакальны гурт ТЦСАН "Родны кут", які стварыў непаўторную атмасферу свята. Яны выканалі знакамітыя беларускія песні, і таксама верш Карпуця Яўгена, які пакладзены на музыку. Гэта стала яшчэ адным спосабам узняць дух і падкрэсліць прыгажосць нашай культуры.
Дзякуем усім, хто прыйшоў і зрабіў гэта свята незабыўным! Давайце разам працягваць шанаваць і развіваць нашу родную мову!
